Bauiu la dintang reng Castila queti, atin ta mung bangsa o imperia y'ta mung Capampangan a sarili ta. Ala na mang Pilipinas canita uling pigaua-gaua dia mu pin reng Castila y'ta.
Ngeni, melati neng melati yng imperiang Capampangan, e mu y'ta, masalusu y'ia pang lalati uli na mu rin yng capaburen da reng mismung Capampangan. Panenaian ta na mu uaring mapupus yng sabla careng Capampangan?
Yng pecamasanting a panulu quing saquit a y'ni, uling malalam neng tutu yng sugat, yng cauani ta mu quing Pilipinas. Patie quinauani ta mu, y'ta mu na yng maqui upaia quing pamaniuling ning bangsang Capampangan. Aguiu ta namang talacad anti mong sariling bangsa uling dacal ta mu picuanan cabiaian calupa na quing pamananam (agriculture), electronics, tourism, ampong miaialiua pa. Queng pa mung balas ta mu queni atin ta nang picuanan pera. Agamit ta y'ia mu naman yng Clark anti mong regional factory ampong office nung buri ta mu 'mu y'ta uling macaiagpang y'ia caring pamangailangan da reng aliuang masicanan a bangsang macapadurut quecatamu. Yniang memacbung y'ia yng bunduc Pinatubu, dacal yng mengasira quecatamu, meco la pa reng Amercanu. Bitasang alang ala canita queti dapot sinubli ta mung masalusu quing sicanan, at e mu y'ta, ligpasan ta la pa reng aliuang lugal. Ngeni pa mong casulungsungan tamung masican, e tamu agauang magsarili? Aguiu tamung aguiu.
Patie sarili ta nang bangsa, alingapan ta y'ia pang masalese ying quecatamung masanting (superior) a cultura, yng quecatamung maniaman a pamaglutu, ampong lacuas na yng pacamalan tamung Amanung Sisuan.
E ta la paluban reng e Capampangan qng imperia ning Capampangan. Mangailangan lang passport ampong visa reng e Capampangan nung bisa lang mamasyal quecatamu. Macanita mu naman, mangailangan la mu namang working visa nung cailangan ta lang magobra queni.
Capampangans will have their own country and it will be a progressive country. We have the resources and strategy to sustain a progressive country.
Yng Sala