Macananu y'ang alingapan ampong agambulan yng Amanung Sisuan ba y'iang matalic lumabung?
Dacal a paralan ban tamung agaua yta at cailangan ta la ngang gauan deta. Oneng aduang paralan yng matalic macasaup qng Amanung Sisuan, y'la pin yng mitura y'ia ampong magamit yia qng yscuala ampo pang magamit yia qng radio ampong TV (e tamu alingad, atneng catalic migut yng radio ampong TV).
Masanting y'ang mituru y'ia yng Amanung Sisuan qng elementary ampo pang high school anti mong subject ampo qng pamanuru. Lacuas lang mabiasa reng magaral nung yng yndung amanu da yng gagamitan da qng pamagaral da.
Cambe na niti, cailangan y'ang mituru nung macananu y'ang ystu gagamitan yng capampangan. Buri cung sabian, ytang proper use of vocubularies and grammar.
Uling ngeni, yng balu dang capampangan yia pin ytang ausan dang "conio capampangan".
Detang prefixes ampong suffixes da, e la ystu.
Detang grammar da, e la mu naman ystu. Pamilitan deng lilicas yng tagalug ampong ynglis sentence qng capampangan nung macananu lang magagamit detang mesabing aliuang amanu (translating tagalog or english sentence into campampangan using the grammatical contructions of those other languages). Oneng atin y'ang sariling grammar yng capampangan a ena calupa deng aliuang amanu.
Ampo retang expressions a tagalug ampong ynglis, dedenan da la mu namang cabaldugan qng capampangan nung macananu la mu naman pangagaua careta, niapin ditac-ditac na lang magigisan reng capampangan expressions.
Yng pecamaroc na niti, patie ating migsalitang capampangan ngeni, capitna quetang sinabi na, salita lang tagalug ampo pang quepampangan a salitang tagalug, e y'ia pa ystu yng grammar.
Anti mo anang sinabi "Di ba? Yari ne ing shift mo, sabe ka ba kekami, tapus munta SM?"
Salita lang tagalug deng Di ba? ampong ba. Tagalog y'ia mu naman ytang tapus, elilan dia mung u ytang o na. Ytang sabe rugu, y'ia pin yta yng sabay ning tagalug a quepampangan da. E mu malagad yni nune peniamal da na.
Calupa na mu naman patie gagamitan y'ia yng Amanung Sisuan qng radio ampong TV, dapat fluent y'ia qng capampangan y'tang magsalita. Ampo pa reng lyrics da reng canta, cailangan ystu la. Taganang reng tauo, paquiapusan da nung nanu man yng daramdaman da qng radio ampong acaquit da qng TV aguiang e y'ia ystu.
Mipalalu no aialben tagalug qng TV.
Masuelu ta mu pin uling atin tamung Benavente ampong Bergano capampangan dictionaries. Macananu la cabilian reng aliuang amanu qng Pilipinas, ala lang bitasa. Macalunus la rugu.
Cailangan y'ia mu namang mituru y'ia yng kulitan. Y'ia pin yni yng pecamumunang diling orthography da reng capampangan. Ba dang abulu reng magaral a atin tamung sariling orthography yniang minunang panaun.
Cailangan y'ang magagamit yng amanung capampangan careng egana-ganang lugal na ning labuad capampangan, caring fast foods, malls, public places, ampong miyaialiua pa.
Yng mung Amanung Sisuan ampo pang ynglish mu yng cailangan mituru ampong magamit qng labuad capampangan.
The Amanung Sisuan is a superior language, dynamic, and rich in culture. It is an honor to be speaking it.
Cailangan y'ang miturung ystu yng Amanung Sisuan, ytang macananu yia ystu gagamitan.
Yng Sala