Dati-rati ala mang promotions careng aus careng cellphones at malagad mu nung atin man. Deng unlimited calls a promotions reng amanuan cu ba cang macamurang aus. Mayap na mu at meracal na la ñgeni lalu na uling mal ing balang minutus ning aus careng cellphones. Tia P7.50 casi ing balang minutus ning aus mu at ma-seventy pesos cang agad queng apulung minutus. Alimbaua na mu, mallari cang saling unlimited call promotions quing alagang P25.00 mu at mallari mu neng acasabing patiñgapun ing buri mung acasabi, atin ya pang cayabeng unlimited texting mu naman. Iñya panausan mu na lang panausan reng buri mung acasabi.
Uyta mu pin, calupa mu la dapat cellphone network reng ausan mu ba meng agamit ing seli mung unlimited call promotion. Nung uari, nung ing Smart ing quecang cellphone number carrier, reta mung macapalalam quing Smart network reng mallari mu mung ausan. Quing malaguang salita, patie maca-Smart ca, mallari meng gamitan ing quecang unlimited call careng calupa mung maca-Smart mu naman o caya reng macapalalam na queng Smart network anti mo ing Talk-N-Text ampo pa ing Sun Cellular. At nung maca-Globe network na ca man, reta mung calupa mung maca-Globe mu naman reng mallaring mu mung ausan ampo reng maca-Touch Mobile a macapalalam na quing Globe network. Masiñgil cang tia P7.50 balang minutus patie minaus ca careng cellphone numbers a e mu calupa network ampo careng landlines.
Bali adua na la mu pala reng cellphone networks a mitatagan quing Filipinas at y la pin ding Smart ampong Globe uling icua da na rugung meñgapañgan reng aliua, nung e queng Smart, queng Globe. Yñya mamili-mili na ca mu nung queta cang machurang service o quetang palac a machurang service.
At ba mung abalu nung macapalalam ya qñg Smart o Globe ing cellphone number na ning buri mung ausan, agad meng lauen ing access code na ning cayang cellphone number. Ausan de mu namang area code ing access code.
Retang mumunang atlung number caibat na ning 0 na ning cellphone number ing access code. Alimbaua, nung 09186401211 ya ing cellphone number na ning ausan mu, 918 ya canita ing access code na.
Oreni reng acalap cung access codes da reng miayaliuang cellphone carriers.
Smart Network:
813 Smart
900 Smart
911 Smart
913 Smart
918 Smart
931 Smart
940 Smart
947 Smart
980 Smart
998 Smart
999 Smart (dating Umobile Red)
907 Smart, Talk-N-Text
908 Smart, Talk-N-Text
909 Smart, Talk-N-Text
910 Smart, Talk-N-Text
919 Smart, Talk-N-Text
921 Smart, Talk-N-Text
928 Smart, Talk-N-Text
929 Smart, Talk-N-Text
948 Smart, Talk-N-Text
949 Smart, Talk-N-Text
912 Smart, Talk-N-Text (dating Piltel)
989 Smart, Talk-N-Text, CURE (Red)
920 Smart, Talk-N-Text, Addict Mobile
930 Smart, Talk-N-Text, Red Mobile
938 Smart, Talk-N-Text, Red Mobile
939 Smart, Talk-N-Text, Red Mobile
946 Talk-N-Text
922 Sun Cellular
923 Sun Cellular
932 Sun Cellular
933 Sun Cellular
934 Sun Cellular
942 Sun Cellular
943 Sun Cellular
944 Sun Cellular
935 Sun Cellular (dating Globe)
925 Sun Cellular (dating Globe/TM)
Globe Network:
917 Globe
994 Globe
9178 Globe postpaid
817 Globe, Touch Mobile
927 Globe, Touch Mobile
936 Globe, Touch Mobile
937 Globe, Touch Mobile
996 Globe, Touch Mobile
997 Globe, Touch Mobile
915 Globe, Touch Mobile
905 Globe, Touch Mobile
906 Globe, Touch Mobile
916 Globe, Touch Mobile
926 Globe, Touch Mobile
Pabala, bayu me gamitan ing quecang seling unlimited call promotion o nanu pa mang call & text promotions, basan me pa mung masalese ing tuntunan o mechanics na niti uling miayaliua la casunduan. Pota bigla na ca mung mibulang qñg mebauas mung load.
Yng Sala