Inyang caibat nang memacbung ning Bunduc Pinatubu, dacal la reng meñgasirang cabiayan qng mabilug a Pampanga pati na ning Tarlac. Masuelu la re tang ating peñgaring magobra canita qng abroad uling atin lang ayasaan a salaping daratang carela bista man limbug la reng carelang pibale-bale qng burac a pepalual ning Bunduc Pinatubu. Dacal carela, ing agad lang mecapanupang bale qng Menila. E da rugu calupa re tang mamasa mu rugu qng nanu mang tatanam da qng marangle, ala na lang tucnangan, ala la pa rugung apañgan agguiang cancung mu man sana. Dacal la reng guinalunggung qng dimla. Caibat na pa nita, agad la mu namang meco ring Amercanu at ala la man rugung catagal-tagal deng cabalen tamu careng nanu man sanang acua rang saup carela. Dacal la reng meualan obra. E cu balu nung macananu rang acabiusan reng aliua, a alalabas de ing patiñgapun a alang daratang a salapi quilub na ning casaquitan a daralanan da pauli ning Bunduc Pinatubu.
Aquit mo reng dalan qng Añgeles canita a alang daralan a saquen dapot atin pa mu ring mamasadang jeep oneng bina lang mañgalagad. Ing namang Clark Air Base, mitmu ya qng alicabuc at ala mu namang saquen a acaquit mung lulub carin.
Dacal careng cabalen a tinucnang careng resettlement areas anti mo ning Mauaque Resettlement Center, Camachilles Resettlement Center, Sta. Lucia Resettlement Center, San Isidro Resettlement Center, Madapdap Resettlement Center, Bundagul Resettlement Center, Pandacaqui Resettlement Center, at miayaliua pa.
Salamat na mu careng cabalen a migcusang sinaup qng labuad ning Capampañgan, tinicdo la ban labanan ing casaquitan. E da birian ing cabud da na mu acaquit ing malilyari a alang gagauan. Paritac-ditac, mibabañgun ya ing Labuad Capampañgan at atin nang mamañiulput a businesses qng Clark lalu na re tang Duty Free Shops ampo pa ing Mimosa. Dapot masaquit pa mu rin ing cabiayan agguiang atin nang ditac a businesses a meñgatalacad. Mayayaquit pa mu rin ing lasa ning Bunduc Pinatubu.
Uling qng casaquitan ning bie, dacal la reng linub obra a ambusqui nanu na mu. Re tang aliua, luluban da na agguiang pamag-security guard qng quilub ning Clark. At masaquit na pa niti, re tang anac a babai a e da na agguiung ibalaus pa ing pamagaral da, linub na la mu rugung GRO. Dacal la reng meñgasirang taguimpan da reng Capampañgan.
Dintang na mu rin ing panaun a manaua na ing bie qng Labuad Capampañgan uling dacal na ing obrang apaintun. Dapot dacal pa mu rin ing mañgaroc a mararapat casumañgid na ning pamañiulung ning bie qng Pampanga. Dacal la reng mapapanacong obra a sana caren ya mung Capampañgan. Caibat dang memagcasaquit reng Capampañgan, caibat dang pemuunan ing daya ra, caibat rang dinaun ing bie da, caibat dang guinapang qng gabun ding peñgari ban apayari do qng pamagaral ding anac da, cabud na mu mapanaco ing obra a dapat sana carela.
Uyan, datang yang bayag-bayag ing animal a Tagalug at atnang casican a lub a maintun obra qng Pampanga uling ala lang masaleseng bie qng pibatan dang mabuluc, y la reng manaco careng obra da reng Capampañgan. Deng alang marineng Tagalug, y lang magtamasa qng pipagalan da reng Capampañgan a culang na mu mangabucut-bucut qng pagal da ban salese ing cabiayan qng Pampanga. Dapat careng anggang businesses quing Pampanga, mangñgua la mung magobra da a Capampañgan mu, de ta mung biasang mañgamanu qng Capampañgan reng cunan da ban macabitasang Capampañgan ya ing cucunan da qng obra. Ing dapat careng Tagalug a ren, abayan da na la mung reng Bisaya qng Fields Avenue qng pamagputa ra uling carin la babague.
Yng Sala