Sanu la reng balen a miabe qng Capampangan State nung mica-federalism. Uling nung mica-federalism tamu, cailangan ta nang balung tambing nung sanu la reng balen a miabe qng Capampangan State uling mapaliaring caibat nang megaua ing Capampangan State, iyapin na ita cabang-caba.
Anti mo nung ating balen a Capampangan a e miabe qng Capampangan State, magcasaquit neng maquiabe quecatamu qng bandang tauli uling e ne cabud paburen maco itang state nung nucarin ya macacayabe canita. Inya pin ngeni pamu, sucat ta na lang balu nung sanu reng cayabe qng Capampangan State nung ali, muli mu qng guiera bandang tauli.
Cambe na nini, migulis yang pasibaiu ing political map na ning Pampanga, mapaliari yang migulas a maragul a maragul. Cailangan ya ping migulis a maragul ing baiung political boundery na ning Capampangan State uling datang ing panaun a dacal na la reng tauo queni ampon dacal na la mu naman deng industries. Istu mu ing isipan taia mu naman ing daratang a panaun.
Cailangan yang dagul ing Capampangan State papunta qng Nueva Ecija uling masanting ing gabun carin, patag ampon masanting mananaman, e lulbug, ampong ditac la pa mu reng tauo carin. Aguiang e ta na cucua qng Bulacan uling pane lalbug carin ampo pang mipalalu no caracal reng tauo carin. Ren mung balen Capampangan ing cunan tamu qnq Bulacan. Maguin nea mung floating economy taia ing Bulacan canita nung nucarin queti la maniali reng tauo na. Bancanita, e na mibabalic carela ing perang lulub da queni. Pane yang atiu qng state of calamity ing Bulacan inya pin e ya masanting iyabe qng Capampagan State. Bala nea mung saquit buntuc ing Menila carela.
Yng Sala