Maralas nung macasaque cang pamasadang jeep qñg Añgeles City, maracal-a-dacal atin cang acacasaqueng dayu anti mo reng Tagalug at lalu na reng Bisaya. Yñyang culdas ne ing Tagalug, sabi na qñg driver, "Diyan lang sa tabi. Diyan lang sa tabi." Neng misan naman, patie inaus de ing Tagalug, paquibat na, "Nandiyan na! Nandiyan na!" Neng mañgutang ya ing Tagalug, a'na, "Nasaan ka na? Nasaan ka na?" Mapalyaring apapansinan yu na nung nanu ing buri cung sabian. Baquit sucat dang ulit-ulitan reng Tagalug ing sasabian da!? Pansinan yu man, neng macasaque cayung jeep, neng ati cayu careng pipañganan, o caya nung catuliran mu la mu at misasabi la; pane dang piulit-ulit ing sasabian da. Atin cayang virus a linub qñg utac da iñya gagatal la reng dila da bang ulit-ulitan pa ing sasabian da!? O talagang atin la mung dayang murit deng Tagalug!?
Yñya namang misan, macasaque cami qñg cochi ning cayabe mi qñg obra at atin caming pupuntalan. Lima la ring mipagguiu qñg cochi. Atlu caming Capampañgan; ing maquibandi qñg saquen a magmaneu, yacu qñg passenger seat qñg arap, ampo pa ing metung queng gulut. Adua no man reng Tagalug a masaque queng gulut. Yñya bali lima cami ñgan qñg cochi. Magmula qñg pipagobran mi angga quing miras na cami quetang pupuntalan mi, ala lang patugut sasabi reng aduang Tagalug queng gulut ning cochi cabang nandin cami pa manajimic y caming Capampañgan. Ala namang maroc nung bisa lang sumabi nang sumabi uling carapatan da na y ta oneng uyta mu pin, atno rugung caiñge. Y ni pa ing metung careng macasumaming ugali da reng Tagalug, pacasican da patie misasabi la a bala mu rugu y la reng maquibandi qñg cochi a sasaquen mi. Agguiang y la na mung adua reng misasabi, pacagulisac da pa mu rin ring alti. Macañian mu naman patie migpasial la qñg bale mu, atno rugung casigla at bala da reng siping bale a ating magbirthday party. At lalu lang maiñge reng Tagalug patie macasaque la careng pamasadang jeep.
Anti mu rin patie atin lang casabi qñg cellphone reng Tagalug, atnong casican sasabi a bala mu sasarian dang paramdam queca ing pisasabian da qñg cellphone. Neng misan naman, maca speaker-phone la pa neng magcellphone la, e da la man paquisip reng aliuang tauo a macaruñgut carela. Ala la talagang marine reng anac putang Tagalug.
Yng Sala