Iñyang misan a mipadalan cu qng Añgeles City, iquit que y tang macasulat qng batiauan da ring pulis a macapalibutad qng dalan. Ñga nang macasulat carin, "Pamintuan ta la ring batas trafiku". Matula cu at aisipin deng isulat y ta carin. Dapot iñyang pilan mung aldo ing milabas at migbalic na cu na naman qng Añgeles City, elilan de ing macasulat carin a "Tukyan ta la ring batas trafiku". Baquit mo caya elilan deng "Tukyan" ing "Pamintuan" nung nu carin ing amanung "Pamintuan" ya ing macatud a amanu.
Yng buri nang sabian ning amanung "Pamintuan" ing daptan mu la reng utus na ning batas. Dapot ing amanung "Tuquian" naman, mañgabaldugan yang taluquian ya ing qng arapan mu. Qng malaguang salita, obedience ya qng amanung Inglis ing "Pamintuan" cabang follow ne man ing amanung "Tuquian". E ya maliaring gamitan ing amanung "Tuquian" nung buri meng ipasiag qng malda ing pamintuan la ring utus.
Patie e na ca buring pamintuan ning anac qng utus mu caya, sabian mu uaring "Tuquian mu cu, ne!"? Canong na pu rugo at e ya pa macatud pañgayamanu. "Pamintuan mu cu, ne!" ya pu ing matulid a pañgayamanu. Baquit pin caya elilan de!? Political ya ing sangcan o taganang bolang ya y tang menalili carin. Atin ya tang cacatacutan y Mayor Ed Pamintuan at cucurul ya!?
At iñyang catlu cu namang pamañyatang qng Añgeles City, lalu ya pung mipacaroc! Atin lang pemasquil naman qng Tagalug reng anac puta, at atno pang pañgaragul pañgasulat reng animal. Ninu naman caya ing alang marine a memesquil qng Tagalug carin, dapat yang silaban mabie.
Yng Sala