Dacal careng dayu a daratang qng labuad Capampañgan a bisang mabiasa qng Amanung Sisuan, at nung saupan ta la ban lalu lang mabiasa, ditac mung panaun at balamu bait la mu naman qng labuad Capampañgan. Matulid lang mañgamanu at alang cabalid-balid man neng mebiasa na lang sumabi qng Capampañgan. Yng catutuan na talaga nini, talagang dacal la reng dayu a bisang mabiasang Capampañgan dapot atin sumbagal ban dang arapat y ni. Nanu ing maragul a sumbagal? Ua, tutu at ditac la mung bina reng agamit dang libru ban gamitan qng pamanigaral qng Amanung Sisuan, oneng, baquit atin a mabibiasang Capampañgan a e man tinalan libru diquil qng pamanigaral Capampañgan? Dacal cung balung macanian. E libru ing maragul a sumbagal ban mabiasa lang Capampañgan reng dayu nune reng Capampañgan rugu.
Inyang misan, atin Ilucanu a mañgamanu qng Capampañgan, at matulid yang mañgapampañgan, dapot inyang abalu da ring cayabe nang Capampañgan qng pipagobran nang upisana a ibat ya pala qng Ilocus, simula da neng pequisabian qng Tagalug. E la dacal reng murit careng Capampañgan!? At ñga ra pang sinabi caya, nung magcasaquit ya rin qng pamañgapampañgan, mayap pa canung magtagalug nea mu! E la dacal reng luse careng Capampañgan!? Eh, macananu ya ping e lalung mabiasang Capampañgan y ning Ilucanu nung ren pang Capampañgan ing pipiguil caya ban mañgamanu qng Amanung Sisuan.
Inya namang misan, y ning Capampañgan a tauo Dau ñga na namang sinabi, "Atneng caburing mañgapampañgan oneng e ne man biasa". Y ta canung siping dang bale a Ilucanu, atne canung caburing sasabi qng Capampañgan oneng balid ya! Anta macananu ca pin naman ne! Macananu yang lalung mabiasang Capampañgan nung e ya sumabi qng Capampañgan. Macananu yang misane qng Capampañgan nung e ne gamitan.
Macalunus at dacal la careng Capampañgan a anti canini la pamanisip. Buri da pang mipanagalug na la mu reng murit quesa qng sumaup la ban mabiasa qng Amanung Sisuan reng darayu qng labuad Capampañgan.
Ba lang mabiasa reng daiwan qng Amanung Sisuan, dapat paquisabian ta la qng Capampañgan, at paritac-ditac mabiasa lang ala qng oras. Male mu, daigan da ca pa qng catalustus qng pamañgapampañgan. Nung acaquit mung magcasaquit yang macataquiqui qng sasabian mu, o se bagalan mung baguia patie sasabi ca!
At y ni pa ing masanting gauan, patie atin cang caquilala a dinayu o magobra qng labuad Capampañgan, isali meng talabaldugan Capampañgan anti mong regalu mu caya. Ban canita damdaman na ing catanggap-tanggap yang manucnangan qng labuad Capampañgan.
Immigrants and faggots
They make no sense to me
They come to Capampañgan land
And think they'll do as they please
Meañgu ya ing qng babo a macasulat qng amanung English qng dalit da ring Guns N' Roses a maqui pamagat a "One In A Million".
Ñgeni, nung e ya bisang mabiasang Capampañgan ing animal a dayung a yan, pamaldacan me't panabi ing masira-sira buntuc. Pablasang alang capaninuntunan qng pibatan da, queni la qng labuad Capampañgan darayu at magsicsican. O nung ing balen a quebaitan da, e de pagmasabalan, queni pa caya qng labuad Capampañgan a dayu la mo!? Queni do yuyugse reng sarili dang mañgabuluc at ituqui do pa reng mabilug dang familia ban canita maguin ya mu namang marinat ing labuad Capampañgan anti ning burac a balen a penibatan da.
At caren na mang Capampañgan a mamurit-murit a calupa da mu naman ren dayung a ren a alang masabal qng disnan da queti qng labuad Capampañgan, mayap pang miyabe-abe na cayu mu at mañgabating cayu ñgan. E ye dirinatan ing labuad Capampañgan uling ing labuad Capampañgan, capara ne ning America. Agguiang inya pang minunang panaun, y caming Capampañgan, macataid na cami careng mañgasican a bangsa calupa na ning España at ning mayupayang United States of America.
Yng Sala