Mayap ne mang balita y ni! Atin cung sinulat canita queni diquil careng meñgapanacong bacud na ning cutcutan ning Clark a malapit qng Main Gate pauli na ning "Boom Na Boom" qng Clark a cacana da balang magpascu. Inyang milabasan a pascu ning banuang 2010, e ya dintang ing "Boom Na Boom" a magpeperia at mapalyaring e na no pepaburian ning Clark a manupa la pa carin uling panacauanan da la mu reng bacud ning cutcutan ning Clark, at pota bitasa da na la mung guisanan reng bacud ning cutcutan.
At ñgeni pin, matula cu at atin neng bayung gauang bacud ing cutcutan ning Clark at palac ya pang masanting ing gueua dang bacud ñgeni. E na calupa canita, bacal la mung matulid reng bacud ning Clark dapot ñgeni, samientu ya qng dane nang lalam ring bacud at bacal no man ring qnq babo. Mesanting nea mu naman ing cayang pasbul
Maliliñgap yang masalese ngeni ing cutcutan na ning Clark at sana banten deng masalese reng manibala ning Clark Field Economic Zone e mu anti reng cutcutan carin a dapat pagmasabalan nune reng quegana-ganang pibandian a macapalub qng Clark. Yng Clark, picacuanan yang cabiayan da reng Capampañgan pelalung reng diablus a dayu anti ring Tagalug a alang marine, Visaya, Ilucanu, Pangalatuc, ampong miayaliua pang alang apaintun a obra qng sarili dang pacacalulung pibatan. Uling nung e ta ya liñgapan ing bagueng picacuanan tamung cabiayan, masira ya y ti angga qng ala nang mitagan quecatamu. A'ra pin qng amanung Inglis, "You reap what you sow"; a mañgabaldugan namang "Nung nanu ing tenam, y ya ing pupulan" ning Amanung Sisuan.
Yng Sala