Macatadua neng minta ing "Boom na Boom" qng Clark. Balu yu nung nanu ing camulangan a gagauan da re'ne? Magpasugal la agguiang baual ing sugal da carin uling ala no mang license ban magpasugal. Dadala da carin ing betu-betu a mabuluc. Maguin yang alang class ing Clark. Pati reng cabayangnan a ala pa qng amanuan dang "legal age", ati yu la carin ban guisanan ing salapi da. Quesa qng tipunan da na la mu reng salapi ra, yugse da mu qng mabuluc a "Boom na Boom" a yan.
Metung ya pa mu yan careng camulangan da. Midinan la mu namang "locator status", nung nucarin ing buri nang sabian, e la mamayad buis a maragul.
Uyni pa ing talagang macasulac a daya, pemanaco do ring bacud na ning American Cemetery carin a macadiquit carela. Inyang minuna, capitna na mu ning bacud a macadiquit carela ing pemanaco da. Caibat, inyang cadua rang pamaniatang, talagang guisan de nea pin man y tang bacud na ning American Cemetery a macadiquit carela. Casdan mu, qng catlu dang pamaniatang ren, guisanan da ne pin mang bitasa ing bacud na ning American Cemetery uling aisip-isip da, ala na mang mamaual carela. Pamisali da yata qng junk shop retang bacal a pemanaco da.
Patie mibalic lang pasibayu qng Clark den, dapat atchanan lang granada. Caibat pangnguanan la re tang gamit da ban calibe caretang pemanaco da.
Dapat qng maquibandi na ning "Boom na Boom" a yan, abatan ya qng lual at palatucan ya buntuc. Dapat nong bayaran retang pemanaco dang bacud.
Ing pamuntuc ning Clark Developement Corporation (CDC), balu na caya y te? Tacnayda na! Biasa ya palang magbulagbulagan ing digpan ning alti.
Dapat lang piguilan qng pamagbalic den.
Yng Sala