Pauli ne ing Tagalug ibat qñg pipagobran na qñg Makati at dumalan ya pa mu qñg bakery bang saling tinape na. Cabang papunta ya qñg bakery, atin yang dadalit a macapariquil qñg pamagshine sapatus a maqui amanung "...TITIbay'yon...KIKInis'yon..." Caras na qñg panaderia, a'nang sinali ning Tagalog, "Isa nito at saca PU 'TO." A'na naman qñg isip na ning mamisali, "Tacnaida na! Bisa ya pang putu."
Dinalaquit ne qñg dalan y ning Tagalug bang pumara nang jeep. Casaque na qñg jeep, tambing na neng diñuang ing bayad na qñg driver. Cayabut na ning driver qñg bayad na, meñgutang ya ing driver caya a'na, "Saan PU TAyo?" At uling culdas ya y Tagalug qñg Gen. Tinio St., a'nang mequibat, "Diyan lang ho sa KANTO TINIO!" At saca la guinalapac reng aliuang pasajerus.
Bigla que rugung aganaca y tang acaclasi cu qñg Menila a maquipilidung Tan. Bibiruan de reng aliua cung caclasi a pagaua re canung dalan at palaguiu de caya ban canita canu patie meñgutang ya ing driver qñg pasajeru a, "Saan PU TAyo?", a'na namang maquibat ning pasajero a, "Sa KANTO TAN ho!".
Uyni pa ing metung. Ating Tagalug a babai a maqui laguiung Malou. Sinabi ra caya reng caluguran na a e ya canu maquiasauang Isic a maquipilidung Wang uling maguin ya canung "Mrs. MALOU WANG".
Tacnaidu da reng Tangalog!
Yng Sala