Capampangan tamu, e tamu Pilipino.
Nung sabian dang mamulang la reng Capampangan, manasaquit ca? Oua manasaquit tamu.
Nung sabian na ning Amercanu a bolang la reng Pilipino, manasaquit ca? Nung oua ing paquibat mu, baquit? Pilipino ca uari?
Nung sinabi na ning Amercanu, luse la ring Ilocu, manasaquit ca? Nung e ca manasaquit, baquit? E uari Pilipino la?
Nung sinabi na ning Ilocu murit la ring Waray, manasaquit ca? Nung e ca manasaquit, baquit? E uari Pilipino la mu naman?
Nung itamung Capampangan sinabi tamung palac tang biasa caring Pangalatuc, matula tamu? Oua, pagmaragul tamu. Oneng e uari Pilipino la? Otat e tamu manasaquit?
Uling ing catutuan, Capampangan tamu. Uling manibat qng ibat, Capampangan ta na. Yniang dintang la reng Castila queni, pepalaguan deng Pilipinas ing labuad tamu aguiang e tamu bisa, caibat ngeni atna tamung caburi canine? Ausan ta yang Pilipino ing sarili tamu? Ali, e tamu Pilipino nune Capampangan tamu.
Capampangan tamu, pagmaragul tamu.
Yng Sala