Palaguan deng maina y Noynoy Aquinu dapot pepaquit na iñyang milabasan a impeachment trial a masias ya buri. Taganang
pemilit neng milaco ing chief justice ning
supreme court. Caniti, pepaquit na ning
metung a tauo a e me dapat calunusan ing quecang casalang at maguing masias ca
quing quecang capagnasan.
Queng nanu mang dapat, cailañgan mung paquit careng aliua a masias ca catuliran
ba ra cang catacutan at e daigan. Uling nung pepaquit mung maina ca, carin la
sisican lub ban mañiamantala queca. Nung acaquit da ring casalang mu a masaquit
cang sumucu, y la reng mimina lub at y la reng sumucu qñg
catataulian.
"Agguiang capilan man, e me misan man paglualu ing catuliran da ring aliua, at lalu na ing catuliran da ring casalang mu, uling y ti ing tanda ning quecang cainan."
Y tamung Capampañgan, beluan tamung masañgil careng casalang tamu iñya
cacatacutan da catamu. Nung mecapamasa na cayu careng casalesayan da ring
"The Macabebes" iñyang panaun a dintang la queni reng Amercanu, macasulat
carin ing picacatacutan da la reng Capampañgan uling ala lang patauad caring
casalang da. E mag-aduang isip nung macamate! Alang lunus nung macamate! Alang
tacut nung macamate! Y yan ing tune Capampañgan, iñya naman parati lang
mañyambut ring Capampañgan.
Dapot macapagmulala ing malilyari ñgeni, dacal na la yata reng saul a bayag
careng cabalen tamu! Baquit paburen dang mañgadacurac la careng aliuang tauo.
Anti na mo ing paburen deng mamamate ing Amanung Sisuan. Ot caburi da naman
rugung paysaul careng anac putang Tagalug, mañgachurang Bisaya, ampong aliua
pang masira-sirang Filipinu a pilit sisicsic qñg labuad Capampañgan. Misamutan ne
casing mainang daya ing Capampañgan, meracal no reng mañgaclac a buntuc, agad
da na lang abobolang rugu.
Macañian pa man, balu cu pa mu ring dacal la pa mu rin reng mitagan a
mañgatapang a Capampañgan a e paysaul capilan man. Isundu pa mu rin ing laban
bang e mate ing tune Capampañgan ampo pa ing Amanung Capampañgan. Yñya
cabalen, pacatandanan yung e yu la dirinan catuliran deng casalang agguiang nu
carin cayu miras. Yng catuliran tamu ing masias at tinud!
Yng Sala