A'ra reng mulala, e do canu buring iyalal reng biasa uling atin na canung meguing
pamuntuc ning Filipinas a menaco anti mo y Marcus. O ñgening biasa ya at menaco,
laganasan mu no ñgan uari reng biasa? Nanung pamanisip y ni?
O nung sabian cung ala la mu namang arapat at menaco la mu naman reng alang balu anti
mo y Erap at mesucul ya pa?
Sabague, ing maina utac, manayun ya qng para nang maina utac.
Yñya lalu yang maguing calulu ing Filipinas uling dacal la reng mañgaclac a buntuc a
manalal careng calupa dang alang balu.
Agad mu la casing apapanuala reng mañgaclac a buntuc careng anggang daramdaman da.
Panualan da nung nanu ing sinabi na ning siping dang bale, ning metung a artista, at lalu na nung nanung sasabian da reng
talabalita careng radju, diarriu, ampong TV. Nung nanung dimdam da carela, y ya na pin
na ing catutuan, e da na paipagalan pang isipan at paquibaluan nung maglaram ya mu ing
sasabi.
Yñya pin andat alalan neng mañgampañia la reng tatagal a politicians, agad da lang apapatuqui careng pañgacu reng
mañgalac a buntuc. Lalu na nung mamubud la pang salapi agguiang tia limang dalan mu.
Baquit mo pin naman e mo bayaran reng manalal uling magbalic ne mang macatapilang ulit
ing salaping pemayad mu carela patie sinambut ca. Mibansagan ca pang mayap a tauo at
mapañiaup carela, seselan na ca mu ne.
Anti mu rin, dacal la mu naman reng mañgalac a buntuc a pilit tatagal. Pablasang sicat
yang artista o boxer, luban neng tambing ing politics uling asulsulan dea mung baguia reng fans na. E na man isipan nung catanggap-tanggap ya qng
luluban nang politics. Nanu caya ing isipan da
rening artistang a reni a cabud da na mu luluban ing politics a e da man camale-male? Mapalyari cayang ating
sasabi carelang tagal la bancanita magamit la patie sinambut la? E uari anti canini ing
dapat na ning CIA! O pota galang mabibiasa na la mu naman rening artistang a reni at balu
dang e cabang bie a artista la iñya maintun lang
aliua pang paralan ning capanintunan? Mapalyaring balu da na mu namang lalu la pang
misalapi patie meguin lang councilors, mayors, governors,
congressmen, senators, at lalu na nung president ne!
Dapat talagang ating maragul a pamagbayu ing marapat queng Filipinas. Queng sanung
paralan marapat y ni? Yturu la reng manalal queng macatud a pamanisip nung macananung
macapamiling mayap at carapat-dapat a politician?
Masaquit ya yata y ni? Mañgaclac la buntuc eh iñya ala nang pagasa. O cailañgan pa mu
talagang mica bloody civil war anti ning merapat
qng United States of America (USA) bayu la mesalese at mesican!!?
Yng Sala