Nanu ya uari ing Pinoy Pride? Ala ya rugung laman. Quen ya mu namang cabalbalan manimuna ing Filipinu. Ah, y ta pala ing Pinoy Pride, careng anggang bagueng e mu sucat apagmaragul. Simen ta na la pen nung nanu la ring pagmaragul da ring Filipinu qñg mabilug a yatu!?
Text Capital.
Murit la ring Filipinu! Anti mo atin yang paquiquitan ing Filipinu, itext na ñgan ing nanu mang daraptan na, itext na nung manaya yang saquen, itext na patie mecasaque ne, itext na patie malapit ne, itext na bayu ya culdas at caculdas na, pelalung nung nanu yang oras minatut. Sabague, o'bat mo ali ne, uling ala na ca man sucat daptan cabang macasaque na ca careng mañgabuluc a Filipino jeepneys, ban canta e nea mu mayiyinip ing paquiquitan mu. Oneng apagmaragul mu uari qñg mabilug a yatu ing pamagtext? Mumunang dili, aliua naman y ca ing mecaisip qñg SMS technology, ala ne mang amanuan dang "productivity" ing pamagtext.
Gay Capital.
Luse la ring Filipinu! Sucat me uaring ipagmaragul ing cabadiñgan!? Luse cayu pin! Nung nanu-nanu na mung cababian ing pamañiaptan da ring binabaying a reni a e ayamyam a isulat cu pa queni oneng balu cu a balu yu na. Ua pin pala, ing Tagalug, cabadiñgan ya, paquiramdaman yu lang sasabi ring Tagalug, bala mu binabayi la, iñya pin atin nang amanuan a "Gay Tagalog Accent", e mu y ta, catmu ya pang "gay linggo" ing sabing Tagalug. Sulung, "The Philippines is the gay capital of the world." Igulisac yu na qñg mabilug a yatu a binabayi cayu.
Corruption Capital.
Mapanaco la ring Filipinu! Picasaman da ring Filipinu ing corruption dapot ala no mang daraptan laban caniti. Patie alalan na, iyalal do pa mu rin ding picasaman dang mapanacong tatagal a politicians. Balu yo, nung atin mu ring pamicatagun a malyari yang manaco ing Filipinu, daptan na y ti, bina lang magatal at mañgataco talaga ring Filipinu. Capilan pa mu, mibansagan yang manimunang crime syndicate ing Philippine Congress.
Prostitution Capital.
Pacarat la ring Filipinu! Pota e yu pa balu, maracal na la mu naman ding prostitutes a Filipinu a ati na qñg miayaliuang bangsa. Oneng e ta na pa darayu, patie daratang la ding daiwan qñg Añgeles City, nanu mong mumunang lulub qñg isip da!? E na cayu magcanuari, balu cung balu yu na. O se ring Bisaya qñg Fields Avenue. E ra buring mayayaus prostitutes ding Filipinu dapot bagguia da capad y ti.
Pollution Capital.
Marinat la ring Filipinu! E mu ing marinat a añgin o air pollution ing pisasabian queni, pati ing iñge o noise pollution, ampong aliua pa. Ding maquinang menibat qñg Japan a yuyugse da na carin, ding Filipinu ring sasalud careti at deti ring sasalpac da caring mañgachurang Filipino jeepneys a macarag, mascup, maiñge, ampong mayasuc. Nung mipapunta ca Metro Manila agguiang pilan camung oras carin, mañgulañgut ca cauli mu at aquit mu ing matuling a dinat a linub na qñg baga mu pauli da ring asuc a lulual careng saquen carin. Patie migpatigtig yang radju ing Filipinu, pacasican-sican da at malyari mung damdaman angga qñg casumañgid a dalan. Aru! Lalu na patie migkaraoke na la ring animal, anti da mong pabalu qñg mabilug a baranggay a aldo ning quebaitan da, casuala no mang tugac. "Too loud, music is noise!"
Maracal cu pa malyaring isulat a binang macarine careng animal a Filipinung a ren, mapalyaring queng tutuqui na mu. Putanaida ra!
Yng Sala